Maŋǧystau oblysy Mūnaily audanyna qarasty Besşoqy auylynda tūrǧyn üilerdıŋ bırınıŋ terezesınıŋ janynan jaŋa tuǧan säbi tabyldy. Maŋǧystau oblystyq polisiia departamentı būl oqiǧany rastady, dep habarlaidy “Adyrna” ūlttyq portaly.
Lada.kz aqparatyna süiensek, oqiǧa 5 mamyrda taŋǧy saǧat 09:30 şamasynda oryn alǧan. Säbidı alǧaş bolyp jergılıktı tūrǧyn baiqap, dereu jedel qyzmetterge habar bergen.
Qazırgı uaqytta balanyŋ anasyn anyqtau jäne onyŋ qaida ekenın tabu üşın jedel-ızdestıru şaralary jürgızılıp jatyr.
"Atalǧan derek boiynşa qylmystyq ıs qozǧaldy. Näreste perzenthanaǧa jetkızıldı, qazırgı taŋda onyŋ ömırı men densaulyǧyna eş qauıp joq, – dep mälımdedı vedomstvonyŋ baspasöz qyzmetı.
Polisiia osy oqiǧaǧa qatysty qandai da bır aqparat bıletın azamattardy jaqyn maŋdaǧy bölımşege jügınuge nemese senım telefonyna habarlasuǧa şaqyrady.
