Kostenko atyndaǵy shahtadan qyryq besinshi kenshiniń máıiti tabyldy, dep habarlaıdy "Adyrna" tilshisi.
Qaraǵandy oblysyndaǵy avarııany joıý jónindegi jedel shtab táýlik boıy jumys isteýde.
Sońǵy derekter boıynsha 45 kenshiniń denesi tabyldy, 1 kenshini izdeý jalǵasýda.
Apattyń boljamdy epıentrin anyqtaý maqsatynda tekserý úshin Tótenshe jaǵdaılar mınıstri Syrym Sháriphanov shahtaǵa tústi. Mınıstrlik taratqan habarlamada:
"Jumystar bir-birinen shamamen 6 km qashyqtyqta ornalasqan eki óndirý ýchaskesi aýdanynda júrgizilýde.
Kenshiler ornalasýy múmkin yqtımal ýchaskelerge taý-ken qutqarýshylarynyń ótýiniń barlyq múmkin joldary pysyqtalýda",-delingen.
Qazir kózge kórinetin janý oshaqtary joq ári gaz jaǵdaıy qalypty.
Sonymen qatar, mınıstr avarııany tergeý jónindegi Úkimettik komıssııa múshelerimen otyrys ótkizdi.
