Astana men Almaty arasyndaǵy 1200 shaqyrymdyq joldyń jyry ázirge bitetin túri kórinbeıdi. Ázirge 500 shaqyrymǵa jýyq jol ǵana jasalǵan. Onyń ózi 5 jylǵa sozylǵan. Endi qalǵan 700 shaqyrymdy aıaqtaý úshin 7 jyl kerek pe?
Nashar jolda jol apaty jıi bolady. Oǵan kim kináli bolmaq?
Ushaqqa da, poıyzǵa da bılet tappaı Astanadan Almatyǵa taksımen qaıttym. 15 saǵattaı jol júrdik. Durys jol bolǵanda nebári 10 saǵatta jetýge bolady eken. Aıdar esimdi taksıst eki-úsh aı saıyn kóliktiń “hodovka” jaqtaryn aýystyryp turýǵa májbúr ekenin jetkizdi. Nashar jol qarapaıym taksısterge de salmaq.
“Birde sheteldik qonaqty alyp júrdim, ol “úlken eki qalanyń ortasyn jalǵaıtyn jóni túzý joldyń bolmaýy múmkin emes” dep senbedi. Aýdarmashy arqyly bizde basqa joldyń joq ekenin aıtyp áreń degende sendirdim” deıdi taksıst aǵa. Iá, biz úshin qalypty dúnıe sııaqty kóringen jaǵdaı syrt kózge oǵashtaý, sanaǵa qabyldaýǵa jat ekeni birden ańǵarylady.
Uzaq joldan shań-topalan, batpaq bolyp jetken taksısterdiń kólikterin qalaǵa kireberiste polıııalar ustap, las bolǵany úshin dep taǵy aıyppul salady eken.
Joldyń qıyndyǵy, jumystyń aýyrlyǵy azdaı polıııadan taǵy da zardap shegetin júrgizýshilerdi shyn aıap kettim.
