Almaty qalasynyŋ Almaly audandyq soty «QazTAG» aqparat agenttıgınıŋ basşylaryna qatysty qylmystyq ıs boiynşa ükım şyǧardy, dep habarlaidy "Adyrna" ūlttyq portaly.
Sot ükımımen agenttıktıŋ bas direktory Äset Mataev qyzmettık mındetterıne adal qaramau jäne būzaqylyq jasaǧany üşın kınälı dep tanylyp, 3 jyl 6 ai merzımge bas bostandyǧyn şekteu jazasyna kesıldı. Sondai-aq oǧan üş jyl boiy jurnalistık qyzmetpen ainalysuǧa tyiym salyndy.
Al agenttıktıŋ bas redaktory Ämır Qasenov jalǧan aqparat taratqany üşın kınälı dep tanylyp, raqymşylyq turaly zaŋdy eskere otyryp, 1 jyl 3 ai merzımge bas bostandyǧyn şekteu jazasyn aldy. Oǧan bes jyl boiy jurnalistık qyzmetpen ainalysuǧa tyiym salyndy. Is boiynşa taǧy bır aiyptaluşy Janna Qaparova da kınälı dep tanyldy. Alaida raqymşylyqqa bailanysty oǧan taǧaiyndalǧan jaza tolyq qysqartyldy.
Sonymen qatar sot Äset Mataev, Ämır Qasenov jäne Janna Qaparovadan «Fridom Finans» kompaniiasynyŋ paidasyna 165,4 million teŋge materialdyq şyǧyndy, 36,3 million teŋge kölemındegı sot şyǧyndaryn jäne 4,9 million teŋge memlekettık bajdy ortaq tärtıppen öndıru turaly şeşım şyǧardy.
Sot barysynda sudia Äset Mataev pen Ämır Qasenovke Medeu audandyq sotynyŋ jariialanǧan materialdardy alyp tastau turaly şeşımı oryndalmaǧan jaǧdaida qylmystyq jauapkerşılık közdeluı mümkın ekenın eskerttı. Ükım zaŋdy küşıne engen joq. Qorǧauşy tarap ony Almaty qalalyq sotyna apelliasiialyq tärtıppen şaǧymdanatynyn mälımdedı.
Qylmystyq ıs «Fridom Finans» kompaniiasynyŋ aryzynan keiın qozǧalǧan. Tergeu mälımetınşe, 2025 jyly «QazTAG» agenttıgı kompaniia men onyŋ negızın qalauşy Timur Tūrlovtyŋ qyzmetıne qatysty 250-den astam material jariialaǧan. Kompaniia jariialanǧan aiyptaulardy joqqa şyǧarǧan.
Būǧan deiın bırqatar halyqaralyq qūqyq qorǧau ūiymdary, onyŋ ışınde «Şekarasyz tılşıler» ūiymy (RSF), agenttık basşylaryna qatysty qylmystyq qudalauǧa alaŋdauşylyq bıldırgen edı.
