Senat deputaty, būrynǧy Aqparat jäne äleumettık damu ministrı Darhan Qydyrälı Joşynyŋ qazaq handarynyŋ arǧy atasy ekenın körsetu üşın mektep oqulyqtaryn qaita jazudy ūsyndy, dep habarlaidy “Adyrna” portaly.
Senator Darhan Qydyrälı Premer-Ministr Älihan Smaiylovqa deputattyq saual joldady.
"Joşy ūlysynyŋ ırgesı qalanǧanyna 800 jyl toluy qazaq halqynyŋ şynaiy tarihyna maŋyz beru üşın tamaşa mümkındık bolyp otyr. Memleket basşysy taiauda "Egemen Qazaqstan" gazetıne bergen sūhbatynda osy aituly datany eske saldy. Prezident osyǧan orai bızdıŋ memlekettılıgımızdıŋ tamyry tereŋde jatqanyn äigıleitın osy aituly dataǧa orai auqymdy zertteuler jürgızu maŋyzdy ekenın atap öttı", – dedı deputat.
Onyŋ aituynşa, osyǧan deiın Türkı akademiiasy Joşy ūlysy turaly zertteuler jürgızıp, ekspedisiialar ūiymdastyrǧan, tıptı IýNESKO-da ıs-şara ötkızgen.
Senator biylǧy jyly aiaqtalatyn Qazaqstan tarihy boiynşa köp tomdyq ūly Joşy han turaly da tyŋ derekter beredı dep ümıttenedı.
"Mektep oqulyqtary osy köptomdyq negızınde qaita jazylǧany abzal. Onda Joşynyŋ qazaq handarynyŋ atasy ekenı basa aityluy tiıs. Sonymen qatar oqulyqtarǧa qazaq memlekettıgınıŋ bastaulary turaly da sony derekter engızu kerek. Mäselen 6-7 synypqa arnalǧan oqulyqta Moǧolstan memleketıne 1 paragraf, 10-synypqa arnalǧan oqulyqta 4-5 jol ǧana arnalǧan. Al osy Moǧolstan jerınde Şu boiynda Qazaq handyǧynyŋ negızı qalanǧany belgılı", – dedı senator.
Darhan Qydyrälı elımızdıŋ joǧary oqu oryndarynyŋ oqu baǧdarlamalaryna Qazaqstan tarihynyŋ keiıngı nūsqasyn engızudıŋ maŋyzdylyǧyn atap ötıp, osyǧan bailanysty Ükımet basşysyna bırqatar ūsynystar jasady.
"Joşy ūlysyna arnalǧan ırgelı zertteuler jürgızu, arnaiy muzei jasaqtau, Edıge baiqauyn ötkızu, Ūlytaudaǧy eskertkış keşenderdı IýNESKO materialdyq mūralar tızımıne engızu de özektı. Elımızde ötetın Düniejüzılık köşpendıler oiyny Joşyny nasihattau üşın ülken mümkındık. Sondyqtan olarǧa aqparattyq qoldau körsetu, tanymdyq derektı jäne körkem filmder men balalarǧa arnalǧan multfilmder ūsynu da maŋyzdy", – dedı senator.
