Qazaqstandyq rejisser Älıbi Mūqyşevtıŋ «No Good In Sight: A Story»filmı 28-şı Şanhai halyqaralyq kinofestivalınıŋ baǧdarlamasyna endı, dep habarlaidy "Adyrna".
Filmnıŋ alǧaşqy körsetılımı 16 mausym künı Şanhai qalasynda ötedı. Osylaişa tuyndy Aziiadaǧy eŋ bedeldı kinoforumdardyŋ bırınde Qazaqstan kinoönerın tanystyrmaq.
Kartinanyŋ tüsırılımı 2023 jyly bastalǧan. Ssenarii avtory ärı rejisserı – K.Bäiseiıtova atyndaǧy Qazaq ūlttyq öner universitetınıŋ oqytuşysy Älıbi Mūqyşev. Jobaǧa atalǧan oqu ornynyŋ 70-ke juyq studentı qatysqan.
Film äke men bala arasyndaǧy qarym-qatynasty arqau etedı. Keiıpkerler taǧdyry arqyly otbasynyŋ adam ömırındegı maŋyzy, ötken şaqtyŋ ızı men ömırlık täjıribenıŋ tūlǧa qalyptasuyna yqpaly körkem türde körsetıledı. Sonymen qatar tuyndy jalǧyzdyq, saǧynyş, jauapkerşılık jäne ar mäselelerın qozǧap, körermendı otbasy qūndylyǧy, taǧdyr taŋdauy men jan tynyştyǧy jaiynda oilanuǧa jeteleidı.
Aita keteiık, 1993 jyldan berı ötkızılıp kele jatqan Şanhai halyqaralyq kinofestivalı – Qytaidaǧy Halyqaralyq kinoprodiuserler qauymdastyqtary federasiiasy (FIAPF) «A» sanatyna akkredittegen alǧaşqy kinofestival.
